La Usc di Ladins

La becarìa di frades Pellegrin da Vich l’à ciapà enstadì l recognosciment de »Ezelenze taliane«.
Na targa sgalizenta fasc bela parbuda sun banco te boteiga e l recognosciment de papier speta demò de vegnir metù te na cornisc e esser tacà sù sul parei.
L’é con gran sodesfazion che Franco, l maor di frades, ne conta coche la é stata che i ciapà l zertificat.
»I ne à chiamà da chesta azienda privata, la Eccellenze Italiane, e i ne à dit che i ne aessa consegnà l marchie. Ic i à vedù le recenjion positive che nesc clienc lascia sul web, i se à enteressà sun noscia azienda, i à fat soe enrescide su la storia, l’atività e i prodoc e i à valutà che noscia firma podea far part de chest register de calità. Chesta azienda la opera sul web da più che 10 egn, si obietives l’é l’enrescida de la calità per la far cognoscer te duta la Talia e a si vijitadores te internet.
Far part de chest club vel dir uzar fora i veri prodoc uniches de nosc paìsc, far cognoscer l prodot talian tel mond e defener l valor de nosc lurier contra la contrafazion.

De più su La Usc 29 de vender ai 24 de messèl  (Monica Cigolla)