L tormen Vaia à fat gregn dans tel bosch e amò sul tegnir de Moena la piantes é via per jabas soraldut anter Penìa e Medil, olache l Comun cogn recuperèr presciapech 16.000 metres cubes de legnam, chel che per solit vegn taà te trei egn. Fin ades no l’é stat l met de jir a tor sù la piantes percheche la strèdes forestales no les é lèries assà per ruèr apede, per chest l’Aministrazion de Comun à cognù pissèr a mudèr la viabilità. L’à studià fora la opzions possiboles e chela che é stata valutèda la più adatèda dai Servijes provinzièi respon ai obietives metui dant dal Pian de Azion di intervenc. Chest en conscridrazion di criteries de pianificazion de la viabilità forestala e de sia funzionalità tel temp lonch, cosć e carateristiches di terens traversé. La projetazion à cognù vegnir fata duta sui dac cartografics desponiboi vedù che no se podea jir sul post a fèr i relieves.
De più su La Usc 29 de angern, de vender ai 24 de messèl (Monica Cigolla)
Malcontent per la strada te Pra de Sort
I Servijes provinzièi à aproà la soluzion cernuda dal Comun de Moena. La Sezion trentina de Italia Nostra propon n percors alternatif che no roine l pra vert
Galaria retrac
View the embedded image gallery online at:
https://www.lausc.it/valedes-ladines/fascia/13125-malcontent-per-la-strada-te-pra-de-sort#sigProId5d2207761d
https://www.lausc.it/valedes-ladines/fascia/13125-malcontent-per-la-strada-te-pra-de-sort#sigProId5d2207761d