En lunesc ai 20 de messèl vindò Ciasa de Comun de Moena se à binà n bel grop de sentadins per protestèr contra l cantier che en chel dì l’é stat avert per scomenzèr via i lurieres tel frabicat. N grop de sentadins, ence belebon eniré, a sostegn del dejèje che padesc soraldut l Nibada Pub de proprietà de Alessandra Bresolin ajache i ponc e la rees ge rua beleche su per usc. Orir n cantier te mez paìsc tel temp de sajon no ge à scusà per nia ai operatores turistics de Moena. L’é n dan per dut l paìsc, l’é stat dit, soraldut te chest moment che se é tanche fora da la crisa del coronavirus e se cogn se tor dant n grum de dificoltà per l turism. Na posizion palesèda tant da Patrizio Prandi, raprejentant di hotelieres che da Fabrizio Deville, raprejentant di boteghieres.
De più en cont a la posizion del grop de mendranza e de Fabrizio Florian su La Usc 30 de anché, vender ai 31 de messèl (Monica Cigolla)
»Se aron manco vadagnes ge domanaron i dans«
Fabrizio Florian, gestor del Nibada Pub, palesa l dejaje de aer i ponc fin tedant usc. Malcontent ence del grop de mendranza de Comun
Galaria retrac
View the embedded image gallery online at:
https://www.lausc.it/valedes-ladines/fascia/13163-se-aron-manco-vadagnes-ge-domanaron-i-dans#sigProId324c2ad497
https://www.lausc.it/valedes-ladines/fascia/13163-se-aron-manco-vadagnes-ge-domanaron-i-dans#sigProId324c2ad497