La Jonta provinzièla à nominà la Comiscion paritetica che cogn troèr fora la competenzes de emportanza per la valorisazion de la mendranza linguistica ladina che pel ge vegnir dates sù al Comun General de Fascia.
La Provinzia de Trent à enciarià de fèr pèrt de chest Desch l professor ordenèr de derit costituzionèl comparà de la facoltà de Giurisprudenza de l’Università de Trent Jens Woelk, la dirigenta generèla del Departiment afares e relazions istituzionèles de la PAT Valeria Placidi e la dirigenta generèla de la UMSE mendranzes linguistiches locales e Audit european (ex Servije mendranzes linguistiches) Giuliana Cristoforetti. Apede a si raprejentanc la PAT à ratifica la nomina di componenc porté dant da la Region e dal Comun general de Fascia, respetivamenter l Capo secretariat de l’Ofize de presidenza de la Region Matteo Migazzi e per l Comun General la Procuradora Elena Testor, l Conseier provinzièl Luca Guglielmi e Thomas Amplatz component del Consei general. (Lucia Gross)
La Provinzia à nominà la Comiscion paritetica
L’é stat costituì dò passa doi egn l’organism che cognessa tor dant l passaje de competenzes da Provinzia e Region al Comun general de Fascia. Ma vèlch costion resta averta
Galaria retrac
View the embedded image gallery online at:
https://www.lausc.it/valedes-ladines/fascia/13175-la-provinzia-a-nomina-la-comiscion-paritetica#sigProId7d980c3ab3
https://www.lausc.it/valedes-ladines/fascia/13175-la-provinzia-a-nomina-la-comiscion-paritetica#sigProId7d980c3ab3