Te chest istà particolèr l’endrez de la manifestazions no l’é sorì per via di protocoi de segureza sanitèra. N muie de evenc à cognù vegnir anulé o aboncont l’é stat de besegn de i endrezèr a na vida alternativa o desvaliva.
Ence a Moena l Comitat Manifestazion à cognù revalutèr e pissèr da nef sia proponetes de entrategniment e te chest chèder l’é vegnù fora na belota idea che somea esser stata aprijièda dalbon n muie.
»Ajache l’é benfat evitar i evenc al serà, aon pensà a meter a jir l chino a l’averta, tel spezifich l Drive In - l’à conta Ilaria Petrone - coscì dal pont de veduda del Covid esser te auto no l’era n problem, dapodò ne saea ence bel far mingol de revival. L’é na idea che i à abù de tropes, ma cogne dir che l prim apuntament che l’é stat en vender passà ai 31 de messal, canche l’é stat moscià l film The Blues Brothers, l’à abù dalbon n bon suzess, tant che i ne à jà dit che tropes i völ vegnir ence a l’auter apuntament che aon en program ai 17 de aost da mese le 10 da sera (21.30), canche se poderà veder l film Mamma mia!.
De più su La Usc 31 de vender ai 7 de aost (Cristina Marchetti)
A Moena l’atmosfera di egn ’50 col Drive In
Gran bon ejit e aprijiament per la scomenzadiva del Comitat Manifestazion metuda a jir te piaz dai auti jun Navalge. Ai 17 de aost l’é en program l secondo apuntament con la vijion del film Mamma mia
Galaria retrac
View the embedded image gallery online at:
https://www.lausc.it/valedes-ladines/fascia/13214-a-moena-l-atmosfera-di-egn-50-col-drive-in#sigProId90683e478a
https://www.lausc.it/valedes-ladines/fascia/13214-a-moena-l-atmosfera-di-egn-50-col-drive-in#sigProId90683e478a