La Usc di Ladins

L Comun general de Fascia à metù fora enstadì doi bandi che se ouc ai joegn e al sozièl.
L prum revèrda l bando »N pest per nesc studenc«. Ence per l 2020 l Comun general à pissà de meter a jir endondanef l bando per ge sporjer n pest, n stipendium, a duc i studenc che à dezidù de scriver sia tesi de laurea su argomenc che revèrda n aspet de noscia val. L Comun general de Fascia vel engaissèr coscita i joegn a restèr leé, ence endèna i egn de studie a l’università, a nosc teritorie e a noscia val. L’an passà l’era stat premià 6 neo-laureé che à ciapà recognoscimenc per n total de 4 mile euro metui a la leta per l concors. I joegn aea portà dant elaboré enjigné a la fin di corsc de laurea o de auta formazion tel setor economich-turistich, linguistich-culturèl, aministratif, ambientèl de raion con referiment al contest fascian. Duta la informazions é da ciapèr sul sito del Comun general de Fascia.

De più su La Usc 32 de anché, vender ai 14 de aost  (Monica Cigolla)