Soraldut aldidanché, te na sozietà che va coscita debel, se fermèr e descorer de temes de atualità e de problematiches senestres che soscedea discuscion l’é dassen na endesfida: apontin no l’é sorì troèr fora persones da fondament che abie estro de rejonèr de costions descòmedes o de problemes che no toca diretamenter noscia picola realtà ladina. Apede a chesta pruma osservazion, l’é na varianta personala che sotrissea la mencianza de dialogh te noscia comunanza: no duc é bogn de troèr l coraje de dir foradret chel che i peissa, ajache zachei é semper enjigné a giudichèr e mudèr a truz l segnificat de noscia paroles. Sacotanta outes, estra apede, l’é engrà demò se tor n moment de paussa da la vita de vigni dì per pissèr a chel che fajon, a co che noscia vita la ne passe tedant ai eies desche na pelìcola.
Chesta l’é demò una de la rejons per cheles che l’é stat endrezà l’»@gora«. Più che vint joegn de Fascia, e no demò, i se à metù ensema su n grop WhatsApp per descorer ensema vigni meis en cont de n tem de atualità. Sun chesta piata ve meton dant i fruc de chest confront.
De più su La Usc 36 de vender ai 11 de setember
Libertà de esprescion totala ence sui social?
Te chesta neva era tecnologica, jon a descorir tras la ousc di joegn de l’»@gorà« l strent leam anter la libertà de esprescion e la doura di social network
Galaria retrac
View the embedded image gallery online at:
https://www.lausc.it/valedes-ladines/fascia/13459-liberta-de-esprescion-totala-ence-sui-social#sigProId5f4cf998c4
https://www.lausc.it/valedes-ladines/fascia/13459-liberta-de-esprescion-totala-ence-sui-social#sigProId5f4cf998c4