La Usc di Ladins

Lista »L sveiarin« con l candidat ombolt Fernando Brunel de la Riza
 
Cattiana Brunel de Poa
Luigi Brunel de Poa
Michele Decrestina del Bacanol
Peter Decrestina de Palua
Stefano Ganz
Daniela Margineanu
Martina Pederiva de Fronz
Luigi Rossi del Leto de Giudita
Rebecca Sommavilla


Chiò podede lejer la pruma trei domanes che ge aon fat al Candidat Ombolt. 
Podede troèr l'intervista entrìa su La Usc 35 ensema con l program.

Perché ve metede a la leta per rejer vosc Comun ti egn che vegn?
Me mete a la leta per ge dar a nosc Comun na raprejentanza te Consei piena dò 10 egn che l’era demò na lista.

Coluna él la robes miores che à caraterisà i ultimes 5 egn te vosc Comun?
No ere a la leta, donca no me sente de dir nia sun chest.

E colugn enveze i problemes o la dificoltèdes maores?
Per mie cont besegna meter en esser na politica per didar i joegn a se far na majon, aon besegn che i posse restar te sie paìsc, che no i cogne jir a la foresta per n cartier a priesc mender. L’é cartieres de Comun da poder dar a fit a n priesc aldò di vadagnes e l’é possibol che i se endreze te coprative: l Comun à ence i terens. No aon besegn de seconde ciase per i foresć coche l’é preventivà da la Provinzia col tor demez la lege Gilmozzi ence percheche la fajessa jir sù i cosć di cartieres per noscia jent. No aon besegn de impianc portamont, enveze volassane che col Comun General vegne fat n studie su la streca de la Veisc, da Moena fin ta Dèlba, per n servije de trasport sostegnibol. Regolament a paament di posć auto de Comun per aer na entrada economica. Rencurar sù le strade con na veiada particolara a Troi de Pala e chele pericolouse.
L’é besegn de ge dar maor peis a la cultura con scomenzadive per noscia jent, co l’obietif de far cognoscer l gran melaur de nosce tradizion e l lengaz ladin.