La Usc di Ladins

Lista »Fassa« con l candidat procurador Matteo Iori

Alberto Boscolo Firi 29 egn ‘Rental manager’
Manuela De Pellegrini 38 egn Avocat
Martin Degiampietro 23 egn Chech
Marco Dellantonio Oswald 58 egn Hotelier
Carlo Deluca 63 egn Penscionà
Mario Deluca Cruf 59 egn Refugist
Tea Dezulian 43 egn Fitacartieres/Maestra de schi
Barbara Gabrieli 43 egn ‘Fitness coach’
Federica Ganz 27 egn Secretèra
Manuel Mazzel 30 egn Mecanich
Armando Mich 50 egn Boteghier
Marco Pederiva 43 egn Hotelier
Francesco Pitscheider Franz 58 egn Imprenditor
Mauro Rasom Ciaria 28 egn Sportif
Stefano Vadagnini 41 egn Lurierant impianc portamont
Valentina Zanon 31 egn Chélera

Lista »Autonomisti Popolari« con l candidat procurador Matteo Iori

Ivan Battisti 43 egn Montèr/Maester de schi
Lisa Brunel 25 egn Studenta universitèra
Francesca Debertol 28 egn Refugista
Alice Dellantonio 30 egn Responsabola marketing
Valentina Ghetta 23 egn Studenta universitèra
Samuel Lazzer 24 egn Operator Crousc Biencia
Matteo Lorenz de Jan 19 egn Lurierant te la firma de familia
Gianluca Marchesoni Marquez 26 egn Hotelier/Dj
Damiano Nicolodi Nico 28 egn Imprenditor turistich
Roberto Pasero 27 egn Arcedador atletich/Istrutor de paslonch
Elio Pollam 64 egn Marangon/Maester de schi
Michela Sommavilla 30 egn Estetista
Elisa Tommasello 29 egn Psicologa
Cristian Zorzi Zorro 48 egn Ex sportif olimpionich


Chiò podede lejer la pruma trei domanes che ge aon fat al Candidat Procurador. 
Podede troèr l'intervista entrìa su La Usc 36 ensema con l program.

Perché ve metede a la leta per rejer l Comun General de Fascia ti egn che vegn?
Me mete a la leta per dèr continuità ai projec porté inant te chisc 5 egn da assessor, te chi che é vedù n gran potenzièl tel Comun General de Fascia; me sente vertiech a fèr chest pas per ge dèr amò più dinamism e concreteza a chest Ent. Amò, me sente na persona averta e desponibola, no de spartijion e fora da dinamiches de ires e invidies te val… spere che chest posse servir a meter amò più ensema la val.

Coluna él la robes miores che à fat ti ultimes 5 egn l CGF?
L’é senester per me che son stat Conseier de Procura per 5 egn, sintetisèr te pecia righes i obietives arjonc. Per chest, voi me conzentrèr su trei aspec che per me i é de valuta tel desmostrèr la maniera de lurèr de chesta Aministrazion che é dò a fenir.
1) Boteighes de Fascia: l projet a sostegn del comerz te val
2) Situazion Covid: l’emportanza del Comun general tel fèr rei anter Comuns e co la Provinzia. Se didèr anter Comuns e tor dezijions de val pel esser n gran aiut, ence ti moments senestres.
3) Npld: n orghèn »internazionèl« che à ti obietives chel de »meter sù n desch« duc chi teritories olache vegn rejonà n lengaz de mendranza. L bel de chest projet é stat chel de veder coche noscia organisazion, nosc sistem de tutela e valorisazion del ladin, é de spes tout desche ejempie de »best practice« da l’autra mendranzes.

E colugn enveze i problemes e la robes da mudèr?
Segur mencia amò chel »mudament de pas« che la jent de Fascia se speta, proprio tel concret. Ge vel dir che aer n ent con 3 orghegn istituzionèi a cef (Consei de Procura, Consei di Ombolc e Consei general) no l’é sorì da goernèr a na vida percacenta; ge vel che dut garatee delvers e che duc i aministradores abie a cher l Comun General.
L Comun General l cogn, donca, se troèr fora si spazies te la Comunanza, da una per man de la Provinzia che la cogn creer te chest ent, da l’autra luran ensema ai Comuns per n unich projet de svilup de val.