Ivo Bernard per Ciampedel

Data

16 de setember 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ivo Bernard Candidat Ombolt per Ciampedel con la lista »Ciampedel per sia jent«
Lista »Ciampedel per sia jent« con l candidat ombolt Ivo Bernard

Alessandro Bernard
Davide Bernard
Federica Davarda
Sergio Davarda
Petra Depaul
David Favè
Ilaria Ragnes
Daria Rasom
Damiano Riz
Simone Riz
Dario Tonelli
Maurizio Valentini

Chiò podede lejer la pruma trei domanes che ge aon fat al Candidat Ombolt. 
Podede troèr l'intervista entrìa su La Usc 37 che vegnarà fora en vender ensema con l program.

Perché ve metede a la leta per rejer vosc Comun ti egn che vegn?
Me é endò metù a la leta perché chisc ultimes 5 egn de legislatura olache son stat ombolt, me é rendù cont che l'é amò n muie de bela robes da poder portèr inant per l paìsc.
Aon metù ensema n grop de persones n muie motivèdes, che ge vel ben al paìsc e les à fon tel cher l sentiment del »BEN COMUN«.

Colunes él la robes miores che à caraterisà i ultimes 5 egn te vosc Comun?
Ti ultimes 5 egn, apede che esser stat ombolt, son stat l raprejentant per Fascia tel Consei de le Autonomìe a Trent. Chesta encèria la é stata de gran valuta per mie paìsc, alincontra la me à tegnù ocupà a Trent na dì en setemèna e la me à dat l met de portèr te val e te mie Comun n muie de finanziaments che ne à permetù de portèr inant desvalives lurieres publics.

E colugn enveze i problemes o la dificoltèdes maores?
La dificoltà più grana che é troà l'é stat chela de la burocrazìa. Ence n lurier che somea sorì l’à besegn de n sach de papieres per poder pontèr via. Aboncont per l moment la é coscita e cognon se adatèr a la domanes e prescrizions di desvalives ofizies competenc.