La Usc di Ladins

L’era del 1946, dò la gran radunanza di ladins sun Sela, che nascea l’Union di Ladins de Fascia, che aboncont demò ai 19 de mé del 1955 la vegnìa costituida legalmenter con at dal notèr. Te chisc setantacater egn l’é stat set i presidenc che se à alternà, ma sacotenc de più i conseieres e i fidelisé.
L’Union l’à portà te Fascia traverc, arjonc con fadìa e batalies. Sie empegn tel mond de la cultura, ma ence de la politica, l la fèsc esser un di mesi più emportanc de stravadament del lengaz e de la cultura ladina de Fascia.
Descheche dijea Eraclito, dut cor. Che cor l’é soraldut noscia sozietà: ge vel restèr al pas con la neva tecnologìes, con i neves mesi de comunicazion e soraldut ence con la neva generazions: apontin per chest, l’Union di Ladins de Fascia chier joegn da trèr ite te sie Consei. Ai 11 de otober, en ocajion de la festa del Rengraziament, la Radunanza litarà sie nef Consei con sie President che restarà en cèria per i trei egn che vegn.

De più su La Usc 39 di 2 de otober  (Nicoletta Riz)