Fenesc l moment negatif del Fascia Balon che en domenia passèda à vent na emportanta endesfida contra La Rovere. Taca ben i fascegn che se fèsc veder sobito con Patrizio Deville che da l’area de rigor l lascia partir na trata che va pech fora dal spieie de l’usc. Pech dò però passa inant i ghesć de gra a n autogol de Luca Trottner, che proan a antizipèr l’aversarie l se fala e l troa l portier fascian che no é svelto assà a parèr.
I ghesć podessa fèr ence l 2 a 0 de gra a n fal te area de rigor da man de la defendura che però vegn sobito parà da Colusso che l se desmostra endodanef n ‘pararigores’.
Dò chesta ocajions l Fascia se desceida e l’é bon de drezèr la endesfida de gra a n rigor ciapà dal joen Gregor Löwe e dò mudà te n gol da Patrizio Deville. Dant che fenesce l prum temp i tousc vidé da Mister Chelodi proa a passèr inant con n par de trates che no à abù ejit positif.
De più su La Usc 40 de doman, vender ai 09 de otober (Pierpaolo Rasom)
Na venta che ge dèsc gaissa al Fascia
joegn de Mister Chelodi à batù La Rovere e i se tira mìngol più en su te la classifica
Galaria retrac
View the embedded image gallery online at:
https://www.lausc.it/valedes-ladines/fascia/13678-na-venta-che-ge-desc-gaissa-al-fascia#sigProId70acde7871
https://www.lausc.it/valedes-ladines/fascia/13678-na-venta-che-ge-desc-gaissa-al-fascia#sigProId70acde7871