La radunanza anuala de la U.S. Monti Pallidi, metuda a jir en lunesc ai 19 de otober tel teater parochial, l’é stat l’ultima coordinada da Gianluigi Donei, che l’à abù te man le redene de la sozietà sportiva dal 1996 encà.
La sentada la é scomenzada con n referat del president, rich de segnificat, che l’à metù al luster i gregn mudamenc che à enteressà l’organisazion de le sozietà sportive: canche l se à envià via co la növa enciaria, per ejempie, te ofize de segreterìa bastava demò na ora al dì metuda a desposizion da n volontar; da valch an encà, enveze, per via di adempimenc domané da na burocrazìa semper più pesoca, fasc besogn de aver na segretaria che laora de seghit fora per duta la setemana.
Del 1996 i scioldi a la leta i era n bon mingol de manco a confront de ancöcondì: enlaoita la Monti Pallidi, per dute sove atività, la podeva far cont demò sun doi pulmign compré con n mutuo, canche ades i é ot, l’ultim ruà aldò de n bon contribut arsegurà da la Provinzia.
De più su La Usc 42 de doman, vender ai 23 de otober
(Bernardino Chiocchetti)