Canche se rua sa Ciampedel no l’é condemanco uzèr i eies a vardèr Saslench e tel medemo temp aer na zis bela veduda de Pian, n storich e maraveous cianton de noscia val.
Aló l’é dassen bel, dut l’an vegn soreie bonora e l stèsc fin tèrt, l’é na veduda da spetacol su la val e su la crepes, dapò vèlch che aldidanché duc jon a chierir, chiet e acort!
Per grazia tel temp no l’à mudà trop, l’é stat fat fora la majons e frabicà, ampò l’é stat mantegnù l stel da n’outa e l’é da se augurèr che l reste coscita.
Tel 1990/91 l’é stat avert la strèda olache demò chi che stèsc sun Pian pel jir su co l’auto, dant duc cognea jir su e ju semper a pe do l vièl de la Via Crucis che l’é ence bon ert.
Me é semper domanà: co sarèla stata la vita de chi da Pian n’outa?
Na bela dì d’uton son jita a troèr Rosina Soraruf, maridèda con Cipriano Lazzer dit Ziperla, na femena paruscenta e a la man, e se aon passà n bel domesdì a ciacolèr e recordèr.
De più su La Usc 46 di 20 de november (Annelise Vian)
»Stèr sun Pian me à semper sapù bel!«
Annelise Vian é jita a troèr e domanèr fora Rosina Soraruf che l’à prest 85 egn e l’à passà duta sia vita te la frazion de Ciampedel. Chesta femena paruscenta e a la man ge à avert sia crigna di recorc
Galaria retrac
View the embedded image gallery online at:
https://www.lausc.it/valedes-ladines/fascia/13995-ster-sun-pian-me-a-semper-sapu-bel#sigProIdb842f3ebfa
https://www.lausc.it/valedes-ladines/fascia/13995-ster-sun-pian-me-a-semper-sapu-bel#sigProIdb842f3ebfa