La Usc di Ladins

La vegn metuda a jir da ben 24 egn ma te chesta edizion 2020 la scomenzadiva solidala de la Regoeta de Magnadiva sarà mingol desvaliva. La crisa economica caujèda dal lockdown à uzà fora na gran emergenza sozièla e alimentèra, per chest motif i promotores del Banco Alimentare à dezidù de meter a jir la scomenzadiva, tel respet se sà ben de la normes anticovid, per poder didèr, anché più che zenza, families e persones che vif situazions de dificoltà semper maora.
La Regoeta ampò muda forma per arsegurèr la segureza più totala, ence se la sostanza resta la medema.
Anter i 21 de november e i 8 de dezember te la casses de duta la boteighes che ge dèsc lèrga a la azion solidala (da poder troèr sul sit www.bancoalimentare.it) opura jà da sobito online su collettaalimentare.it e per dut l temp de la scomenzadiva, se pel comprèr ite na card del valor de 2,5 o 10 euro che tol l post del scatolon e che doventarà magnadiva destinèda a chi che à de besegn. Se pel dezider l valor de la donazion o ence somèr i emporc duta la outes che se vel. Amò apede l’é l met de tor pèrt a la Regoeta ence online su Amazon.it, Esselungacasa.it e Mygiftcard.it.

De più su La Usc 46 di 20 de november  (Cristina Marchetti)