L Comun General de Fascia l’é n ent unich tel sistem istituzionèl talian, l soul recognosciù a livel costituzionèl apede a chi pervedui da l’articol 114 de la Costituzion talièna, che l’é i Comuns, la Provinzies, la Zitèdes metropolitanes, la Regions e l Stat. L l’à sotrissà più outes ti egn passé Giuseppe Detomas, che se aea dat jù con convinzion acioche te la lege costituzionèla nr 1 dai 4 de dezember del 2017 (lege Alfreider), che à aproà vèlch mudament al Statut de autonomìa del Trentin Sudtirol, vegne metù ite n coma aposta per recognoscer ofizialmenter al maor livel l’ent soracomunèl fascian.
Ades Detomas, te sia encèria de Procurador del Comun General, l’à volù fèr amò n vèrech per spenjer acioche chest recognosciment vegne tout sù ence a livel provinzièl con la desposizions che serf.
De più su La Usc 47 di 27 de november
(Lucia Gross)
