La Usc di Ladins

La relazion anter scola e familia l’à na emportanza fondamentèla te la scolina. Relazion vel dir confront, barat educatif, coleament, neva aleanzes e la taca con n enconter de inseriment, dapò se va inant con autra scontrèdes ence via per l’an, ma no demò.
La relazion e l pat educatif anter l’istituzion e la familia se fèsc sù e se renforza ence dì per dì, coi barac che pel esser ence apontin vigni dì anter ensegnant e genitor: canche se rua a scola da doman e da sera canche l’é l moment de jir da nef a cèsa. Chest soraldut per i più picoi.
Dapò l’é duta la scomenzadives che la scola porta inant per tor ite la families te la realtà scolastica. Scontrèdes per la prejentazion del projet pedagogich, che doventa ocajions de confront ma ence momenc preziousc per arvejinèr i genitores a la ativitèdes educatives e ge moscèr chel che se é do che se fèsc a scola e soraldut con coluna finalità.
L’é ence i momenc convivièi, Nadèl, carnascèr … momenc olache se é a scola duc ensema, gregn e picoi, per tor dant dut chel che i picoi à enjignà per mami e papi, opura olache i protagonisć é apontin i genitores, pèrt viva de la scola.

De più su La Usc 51 di 23 de dezember  (TS/CRI.M)