La neva de l’assegnazion a Fascia de doi garejèdes de eles de Copa del Mond à portà gran ferment te val. L portoi de La VolatA sun Sèn Pelegrin sarà la paladina de doi gares descancelèdes a Yanqing te la Cina, la discesa e l superG de eles, pervedudes dal calandèr de la Fis. La dates di 27 e 28 de firé del 2021 é sun usc, mencia presciapech doi meisc e no l’é temp da perder.
N apuntament no da pech, che met endò en moto la machina de endrez colaudèda con i Mondiai Junior del 2019, che aea fat veder duta la potenzialitèdes de na val che canche la laora adum la é bona de ge fèr front a ogne endesfida.
Nos aon domanà fora Carlo Ganz, president de la Monti Pallidi de Moena, sozietà che ensema al Ski Team Fascia se cruziarà di aspec tecnics de l’event.
Podede troèr l'intervista entrìa su La Usc di Ladins 51 di 23 de dezember
(Monica Cigolla)
