Passa 25 cripeles fornesc sù ence chest an l paìsc de Vich. Cripeles sui festii, anter la cèses e ti ciantons, fates da sociazions e da privac che à tout sù l’envit del Comitat Manifestazions de Vich de viventèr coi simboi del Nadèl i dis de festes. Chest an sarà amò più enteressant jir a ge vardèr a la cripeles te la ciasetes sui festii, ajache te anter la statues, la fegures, sot l muschie, vindò i retrac o ence te n pìcol cianton l’é stat sconet n pìcol oget. Pel esser na ciandeila, na piotola, n agnol, na steila, n pìcol cher o na ciampèna: ge vel l troèr fora e l segnèr su la mapa che se troa ti ofizies de l’Apt. Se se troa fora amancol 10 ogec sun 14, se pel jir a l’Apt olache se ciaparà en don n pìcol prejepie de legn che rua diretamenter da Betlem.
De più su La Usc 51 di 23 de dezember (Monica Cigolla)
L Bambin l’é nasciù te la cripeles
Ence chest an fora per l paìsc de Vich l’é stat endrezà passa 25 cripeles. L dì de Nadèl l Comitat Manifestazions à manà fora n video per recordèr i 100 egn de l’orghen de la Pieif de Sèn Jan
Galaria retrac
View the embedded image gallery online at:
https://www.lausc.it/valedes-ladines/fascia/14365-l-bambin-l-e-nasciu-te-la-cripeles#sigProIdaa3be13b70
https://www.lausc.it/valedes-ladines/fascia/14365-l-bambin-l-e-nasciu-te-la-cripeles#sigProIdaa3be13b70