I desvalives projec en esser, chel che revardèa l Parkinson te Fiem e Fascia, la creazion de doi zentres de enconter per sporjer ativitèdes e terapìes e l grop de auto mutuo aiut i é stac lascé sù percheche no fossa stat possibol fèr vèlch de percacent online.
Endèna aboncont, en colaborazion con la Crousc Checena e l Comun general de Fascia, la sociazion tol pèrt a n projet de mobilità out soraldut ai comuns de Mazin e Moena (valutan ampò la domanes de etres comuns) per persones che à dificoltà a se spostèr da soules tel teritorie de Fascia e Fiem per motives sanitères, burocratics o auter, tel respet se sà ben de la normes anticovid.
L servije, sperimentèl, tacarà ai 18 de jené e l jirà inant enscin de jugn. Ge vel prenotèr amancol la dì dant ai numeres 0462/764266 (Vich) e 0462/573166 (Moena) e l’é pervedù na tarifa del 40% del cost de la corsa.
De più su La Usc 02 di 15 de jené
(Cristina Marchetti)
