La Usc di Ladins

Te chest moment de emergenza pandemica les é n muie la categorìes economiches che padesc, dai impiantisć, ai hotelieres, dai restoranc ai fitacartieres.
Tel Trentin, ma ence te Fascia, l’é n muie de families che se fita n cartier desche integrazion al redit, se trata de cartieres en regola, registré col codesc identificatif provinzièl CIPAT, che dèsc jù la segnalazion di ghesć a la Questura, a l’ISTAT e a l’APT, che paa la tasses e la steora de sojornanza a Trentino Riscossioni, ence se no i à na partida IVA e che raprejenta presciapech un terz de la prejenzes a livel provinzièl. Tel Trentin i é 10.800. Enceben che i sie stac parifiché a l’autra realtèdes imprenditorièles fin ades i patrons, che i é stac stimé tel numer de 7.000, no à mai ciapà nesciun sostegn economich alincontra i ge à jà paà ai Comuns i aconc e i scialdi Imis. A autra categorìes enveze ge é stat congelà o adertura descancelà chesta tassa.

De più sun La Usc 07 di 19 de firé  (Monica Cigolla)