Deguna sorpresa, come che se se spetava: l capocomun da davant Paolo Frena l é stat riconfermà nte sua inciaria incia per i zinch agn che ven con 155 voti sui 218 de la jent che é juda a votà. La lista zuita l à fat l suo dover e l à slontanà l pericol del comissariament, incia se l fato che l abe ciapà 42 voti, pi del 20%, vol dì che l é valgugn che l candidato prinzipal no i comodava – incia se respet ai 76 de ja zinch agn l é n bel miliorament. Le preferenze i é jude n bona part ai consilier de l’aministrazion da davant: ntel nuof consilio de comun però jirà ite duc i candidac a consilier de la lista de Paolo Frena, auna al candidat capocomun de la lista zuita e ai suoi doi candidac con pi preferenze.
L nuof consilio de comun l é:
Per la lista "Auna per Col":
- Paolo Frena (capocomun)
- Carlo Agostini (24 preferenze)
- Lorenzo Chizzali (19 preferenze)
- Sief Lucia (12 preferenze)
- Troi Mattia (9 preferenze)
- Tasser Marco (5 preferenze)
- Lezuo Veronica (24 preferenze)
- Troi Maurizio (3 preferenze)
Per la lista "Civetta":
- Agostini Sisto (candidat capocomun)
- Pezzei Alfonso (5 preferenze)
- Agostini Paola (3 preferenze)
(Martino Pezzei)