L Istitut Ladin Cesa de Jan l vota per la continuità e l’Assemblea dei Sozi la conferma sua fiduzia a Elsa Zardini Soriza coche Presidente del Istitut, inciaria che la porta bele inavant da cuater agn n ca. Nte la sentada dei 30 de novembre, tignuda con duc i componenc n colegament video ajache nte sta situazion de pandemia ulà che sion ite l é pi sigur fà a sta maniera, l é stat incia votà i nuof membri del Consilio de Aministrazion per i cuater agn che ven e che l é: Giulia Girardi per l Comun de Anpezo, Paolo Frena per l Comun da Col, Leandro Grones per l Comun da Fodom, Gherard Alverà per la Union de i Ladis de Anpezo, Paola Agostini per la Union dei Ladign da Col e Manuela Ladurner per la Union di Ladins da Fodom. L’assemblea la é stada incia ciamada a votà l’aprovazion per l bilanz de previjion del 2021, che l impermetarà al Istitut de jì inavant a laurà dassen incia per l an che ven. L nuof consilio ades l à 60 di de temp per riconfermà o manco l’inciaria al diretor, che dal 2018 l é Denni Dorigo “del Moro”.
(de pi nte la Usc de vender ai 5 de novembre).
Martino Pezzei
Elsa Zardini Soriza riconfermada Presidente del Istitut Cultural Ladin Cesa de Jan
Galaria retrac
View the embedded image gallery online at:
https://www.lausc.it/valedes-ladines/fodom/13892-elsa-zardini-soriza-riconfermada-presidente-del-istitut-cultural-ladin-cesa-de-jan#sigProIdd663741589
https://www.lausc.it/valedes-ladines/fodom/13892-elsa-zardini-soriza-riconfermada-presidente-del-istitut-cultural-ladin-cesa-de-jan#sigProIdd663741589