La Usc di Ladins

No l lassa via de neve a Souramont: bele da le 13:00 de domenia ai 6 de dizembre l ARPAV la registrava 212 milimetri de aiva a Botestagno, 186 milimetri a Jilardon, 178 milimetri su n Fauzare, 178 a Reba, destinai a cresse ncuoi e i di che ven. Resta sarai duc i jof da mont: l president del Veneto Zaia e l diretor general de Veneto Strade Vernizzi l invida duc a no se muove da cesa se no per emergenze. Bele sabeda ai 5 a Col l eva stà sarà la strada de la frazion de Colcuch per pericol de livine: fin da mejanot de indomenia l é proibì jì ite e fora dai comugn de Col e Fodom, fora che per gravi nezessità. Pervedù burt temp almanco fin marcui ai 9 de dizembre, gran risćio de livine (grado 5/5).

Martino Pezzei