Sta stemana aon pensà de intervistà Anna Comarella, jovena anpezana classe 1997 e atleta professionista de schi de fondo co la Polizia, che ste stemane la impegnada n desferente competiziogn n giro per l’Europa.
La Usc: Bondì Anna, ne conteto de come che l é nassù tua passion per l schi da fondo?
Anna: “Ei scomenzà da pizora parceche me mare ra fajea gares de chesto sport, e inpì ei ‘na sorela pì granda che ra fajea gares. Cà inze el vilajo de Alverà l ea un grupo fato da Elio Valleferro Sfero e saon un grupo de tośate pì o manco dute d’un tenpo che i se alenaa insieme. Me piajea, l ea tropo bel parceche se ra godaon e l ea pì un śuià che no un śì coi schie, anche se, l é da dì, Elio l ea un alenator severo oramai canche saon pize.”
Come asto fat a fà deventà sta tua passion n laor a temp pien?
“Ei scomenzà a fei gares inze ra scuadra nazionales intor el 2014 e là ei scomenzà ai toi parte a conpetizios de liel pì outo, come anche i Mondiai, e alora ei pensà che mangare un doman l arae podù deentà el me laoro. De maśo del 2016 son śuda inze inze ra Polizia e da chel momento son ‘na atleta profescionista.”
Martino Pezzei
(ciatarè la intervista intiera su la USc de ncuoi 28 de genaro)
Da Anpezo semper pi n aut coi schi
Galaria retrac
View the embedded image gallery online at:
https://www.lausc.it/valedes-ladines/fodom/14676-da-anpezo-semper-pi-n-aut-coi-schi#sigProId2c6bea2f73
https://www.lausc.it/valedes-ladines/fodom/14676-da-anpezo-semper-pi-n-aut-coi-schi#sigProId2c6bea2f73