L Chemun possa jì danora cun l bon ejëmpl
»Sce ulon ti vester ala gran ndesfidedes dl daunì, ie l singul avisa tant damandà coche de gran mprejes y istituzions politiches. L Chemun à te chësc cajo na funzion particulera de valuta, ajache sce l va danora cun l bon ejëmpl, à chësc fazions y cunseguënzes positives sibe sun uni zitadin che nce sun istituzions de livel plu aut«, dij la cunseliera
{gallery}12572{/gallery}
de Santa Cristina Birgit Klammer. Ti seguré la ressurses y la fundamënta per na economia sana nce ala generazions che vën do nëus
»Che i prinzips de chësta scumenciadiva sibe ruvei ite ti statuc de chemun ie n gran var mpurtant, acioche i Chemuns posse se mpenië te uni si pitla o gran dezijion a respeté l balanz danter persona y natura nia mé śën, ma nce tl daunì. Per ti vester a de gran ndesfidedes ecologiches y economiches dl daunì, ie l se tenì a chisc prinzips na cundizion che va de bujën«, dij Matthias Cologna, cuordinadëur de »Figli Costituenti« per Südtirol.
A livel nternaziunel
De dezëmber à la Union Europea detlarà la emergënza dl tlima, bele n valgun ani dant ova la ONU dat ora cun l aiut di paejes che fej pert dla UE n documënt che ublighea i stati cumëmbri a dé si cuntribut y se mpenië per l svilup mudiel respetan i trëi gran prinzips dla sustenibltà ecologica, soziela y economica. Chësc var fat dai Chemuns de Gherdëina ie na resposta positiva ala situazion dla crisa dl tlima y na sburdla per jì inant cun pruvedimënc che mira a smendré plu che la va si piedia ecologica.
L articul ntier ie tla edizion stampeda di 30 de auril
