"La legrëza de lauré inò"

Data

19 de mei 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks








L’estetista Priska Senoner conta de tan bel che l ti sà a pudëi inò scumencé a lauré, te chësta Fasa 2. Senoner se dij scialdi cuntënta, sibe dal pont de ududa profesciunel che nce soziel, »nce ajache«, da coche la dij, »lëure tan gën cun jënt, l ie propi zeche de bel a ti fé zeche de bon, mo deplù śën, do la esperienza pesocia dl’enes passedes«





Da l’ena passeda incà iel te Südtirol inò unì giaurì truepa butëighes y mprejes, n generel iel inò truepa lidëzes. Sambën iel da mëter a verda, ma la vita coche la fova dant scumëncia bel plan inò. Nce i friseres y l’estetistes pòssa śën inò lauré. S’l’on ciaculeda cun Priska Senoner, che lëura tl ciamp dl’estetica, dla cura dla belëza, ma nce coche massajadëura.

La Usc: Co Ve sàl pa a Vo a pudëi inò scumencé?
Priska Senoner: Sambën che son scialdi cuntënta che truep ebe inò scumencià. Cieche ie da dì ie che l lëur che ie feje ne n’ie nia mé n lëur de cura de bëleza y de bënsté, ma truep deplù. Tl tëmp ulache n ne à nia pudù lauré fóssel datrai ënghe stat debujën de mi lëur. L miëur ejëmpl ie canche vede da jënt de tëmp y ti feje i piesc. La vedla jënt ne n’ie suvënz nia bona de s’i fé nstëssa, la giapa pona suvënz nce mel ai piesc. Vel’un o vel’autra à nce debujën de n massaje che fej bon ala sanità y ie dut ntëur zeche de bon per l bënsté nce psichich. Chël uel dì che l ie propi mpurtant y n aiut per trueps.

Nsci conta Priska Senoner de si lëur. N se ntënd avisa che l ti sà scialdi bel a lauré, inò, te chësc ciamp: »Ie lëure tan gën cun jënt y l ie propi zeche de bel a ti fé zeche de bon ala jënt.«

La ntervista ntiera ie tla edizion stampeda di 15 de mei.

Ntervista de Julia Lardschneider

FOTO: Priska Senoner.