Heinz Comploi da Tiscion de Urtijëi va cun la rueta a crì ega o vëines d'ega. Da n nteres nasciù per cajo iel deventà na pascion cun chëla che l ie nce stat bon de ti judé a trueps, sibe per si sanità che per ruvé pra na funtana. L’ega ie fundamentela per la vita y ie n avëi che vën for plu preziëus
Savon che l ie persones che à na cërta sensibltà y che ie bones de sentì ulache l passa ega sot a tiera, zënza la udëi. Heinz da Tiscion ie unit sëura per cajo de avëi chësta capazità, chësta vertù. Coche ël nes à cuntà jìvel via y ca te verzon cun la rueta a purvé sce l sentissa pa velch y bel mpont ti unìvel dant che la trajëssa. N patin che fova te cësa ti cialova pro y ti à damandà sce ël ie un che va cun la rueta, ma Heinz ti à respundù che l prova mé nsci. Chësc patin ti à pona nsenià coche n fej. L univa n doi iedesc al ann y deberieda jivi da n luech al auter a purvé y sperimenté. Dantaldut sa mont jiva Heinz Comploi a purvé a crì ega, tl prim per parënc y cumpanies che à n medel sa mont. Ajache la butova y l se rujenova ncantëur, unìvel damandà for plu suvënz nce te cëses.
Deplù iel da liejer tla Usc dl 17 de lugio 2020
Foto: Heinz da Tiscion cun si rueta da crì ega
L’ega funtana de vita y funtana de na pascion
Galaria retrac
View the embedded image gallery online at:
https://www.lausc.it/valedes-ladines/gherdeina/13106-l-ega-funtana-de-vita-y-funtana-de-na-pascion#sigProIdaadd2546fa
https://www.lausc.it/valedes-ladines/gherdeina/13106-l-ega-funtana-de-vita-y-funtana-de-na-pascion#sigProIdaadd2546fa