La Università de Oxford, che ie tl lëur de lauré ora cun na dita taliana de Pomezia na dlavea contra l coronavirus, dà nutizies che lascia speré che l sibe tosc na dlavea per duc. La Usc à cuntatà l dutor de familia y diretëur dl’Academia de Südtirol de Medejina Generela Giuliano Piccoliori. Na ntervista:
La Usc: Dutor Giuliano Piccoliori, cie Ve n dijëis’a Vo dla nutizia n con’ dla dlavea contra l coronavirus che la Università de Oxford ie tl lëur de lauré ora cun na dita taliana de Pomezia? L semea che l sibe unì arjont de bon resultac che dà speranza.
Giuliano Piccoliori: L ie defati na gran nutizia, ajache i prim resultac dà truepa speranza. La dlavea à coche fazion la produzion de anticorps che neutralisea l virus, almanco in vitro. Mo ne savons nia sce chisc anticorps ie propi boni de scuné la persones dala nfezion da CoV-2 y te ce perzentuela de chëi che ie tachei. L ie da dì che l se trata de una dla 17 dlaveies che ie nchinamò unides testedes sun la persona y che la ie chëla che ie te na fasa plu inant de svilup, atualmënter tla fasa III, l’ultima dan che la dlavea ti vën piteda ala populazion, che tulerà ite passa 10.000 persones. D’autra dlaveies uniràl leprò tla proscima enes. La nutizia plu mpurtanta ie che sce la dlavea desmustrerà de avëi la drëta fazion y de vester segura, saràla bele chëst ann d’autonn danman.
La ntervista ntiera tla edizion stampeda di 24 de lugio.
Ntervista David Lardschneider
Foto: L dutor Giuliano Piccoliori.
Tosc la dlavea contra l coronavirus?
Galaria retrac
View the embedded image gallery online at:
https://www.lausc.it/valedes-ladines/gherdeina/13155-tosc-la-dlavea-contra-l-coronavirus#sigProId19b36668bb
https://www.lausc.it/valedes-ladines/gherdeina/13155-tosc-la-dlavea-contra-l-coronavirus#sigProId19b36668bb