N juebia ai 13 de agost se àl ancuntà la cumiscion nciarieda per la prima selezion di proiec de referënza.
L se trata de na cumiscion de tecnics de livel nternaziunel, deberieda cun tecnics y espunënc istituziunei da tlo, che valutea lëures fac da ufizies de architetura che à mandà ite si candidatura per l proiet dla Cësa di Ladins. La valutazion de referënza cunscidrea lëures n generel de chisc ufizies de architetura, mo nia l proiet per la Cësa di Ladins. La finalità ie chëla de avëi cuncurënc che garantësce nce cualità, per dé ite te n segondo mumënt prupostes de proiet per la Cësa di Ladins.
Cater ufizies ie unii trac ala busca, diesc vën crisc ora te chisc dis. I 14 ufizies de architetura possa pona fé pea pra l cuncors per l proiet de mascima dla Cësa di Ladins. Chësc ie da dé ju nchin a dezëmber de chëst ann. Chiche vënc giaperà pona la ncëria per l proiet ejecutif, per chël che l sarà mo da purté inant plu mumënc tecnics, ma nce de finanziamënt.
David Lardschneider
FOTO: La cumiscion tecnich-istuziunela de valutazion di proiec de referënza, dan la Cësa di Ladins a Urtijëi.
N var inant per la Cësa di Ladins
Galaria retrac
View the embedded image gallery online at:
https://www.lausc.it/valedes-ladines/gherdeina/13296-n-var-inant-per-la-cesa-di-ladins#sigProIdf079916c67
https://www.lausc.it/valedes-ladines/gherdeina/13296-n-var-inant-per-la-cesa-di-ladins#sigProIdf079916c67