La Usc di Ladins

Sun la foto udons na curiusità. Na cherta d’identità dl 1927. Pra la naziunalità iel scrit: ladina. Ti on damandà a na secretera de chemun da zacan sce la ëssa mo udù n iede chësta cossa, dla naziunalità ladina sun la cherta d’identità: la nes à respundù de no. La fotografia dla cherta d’identità de Francesco Mersa, mut de Elisabetta Rifesser da Stufan, nes ie unida data da Albert Moroder Sodlieja.

Fajon n saut inant a nosc tëmps: tla edizion stampeda di 28 de agost iel da liejer dla cherta d’identità eletronica, che l ie ntant mesun giapé nce ti trëi chemuns de Gherdëina. Ma danz nia cun la scrita nce per ladin.

Bruno Maruca

FOTO: La cherta d’identità de dan ades 100 ani, cun la scrita: naziunalità ladina.