La Usc di Ladins

L mëinacrëp fedom Marcello Cominetti dij la sia n con’ dl raport danter persona y ambient, cun referimënt dantaldut ala fuera che i motores fej su per la stredes di jëufs dl Sela, che cumporta n desturb per la urëdles ma nce per la lidëza di milesc y milesc che uel se goder la cuntreda, perdrët raion Unesco.

Cominetti: »Deguni ne sà cieche l’Unesco uebe scuné, a cie che l uebe ti dé si prutezion, ajache da canche la ti à dat si patruzine ai truep raions dla Dolomites, àl scumencià i problems de afulamënt, de fuera y decadënza dla cualità dl turism, che ne à, al didancuei, plu nët nia de culturel. Te si statut à l’Unesco la finalità de identifiché y mantenì la lista de chëi raions che reprejentea particulariteies de mpurtanza ezeziunela da n pont de ududa culturel o naturel. Tl cajo dla Dolomites se ntendëssa nce n vierc che l ne vën mantenì na bela pulënta de nia! Stluje via cun na cunscidrazion banala: zënza Unesco y zënza motores tla Dolomites se n stajessans duc miec. Chi ie pa, danter i politics, boni de i cumbater?« Nscila la dumanda de Marcello Cominetti, mëinacrëp de Fedom.

Deplù tla edizion stampeda di 4 de setëmber.

David Lardschneider

FOTO: Marcello Cominetti, mëinacrëp.