De ndut iel unì cumpedà, per ntant, 9 biesces mortes, zaredes dal lëuf, ma povester nce dal sciacal. D’autra biesces ie restedes n vita, do che les ie unides morses. Les ie vives ma patësc dassënn.
Ntant fòvel bele tan che dut rumà via, n lunesc domesdì ai 7 de setëmber, sun Stevia, l ne fova da udëi belau nët nia.
La Usc di Ladins se à ancuntà cun l patron dla utia Toni "Tondl" Ploner, che ova i uedli moi: massa grant ie si liam cun la biesces, iel pu na vita che l se dà ju limpea. N sentimënt de "schock", da coche l dij, ma nce de tëma per l’autra biesces: "Ne son nia bon de durmì, cun l pensier che l posse suzeder inò."
Ti dis da n merdi ai 8 de setëmber inant nchin al fin dl’ena vën chëles che resta dla 470 biesces menedes ju a cësa, trëi enes dan l terminn tradiziunel, che ie ann per ann ala fin de setëmber via.
L paur Klaus Malsiner, che à ades 100 biesces sun Stevia, ie ënghe restà scialdi tucà dala ntraunida: "I lëufs ie da pië y mené tla Siberia!", dìjel, cun na gran mueia.
L lëuf te nosc raion: na realtà che se muev danter la ueia de ti dé ala natura la lidëza de n balanz naturel da una na pert, y chëla de l tò y tres dal’autra pert, ma nce l manejamënt sucrët a livel istituziunel de "miec scuté via dut".
Deplù tla edizion stampeda di 11 de setëmber.
David Lardschneider
FOTO: Na biescia zareda, morta, sun Stevia.
Lëuf o sciacal: biesces zaredes sun Stevia
Galaria retrac
View the embedded image gallery online at:
https://www.lausc.it/valedes-ladines/gherdeina/13451-leuf-o-sciacal-biesces-zaredes-sun-stevia#sigProIde66ec7efb1
https://www.lausc.it/valedes-ladines/gherdeina/13451-leuf-o-sciacal-biesces-zaredes-sun-stevia#sigProIde66ec7efb1