La Usc di Ladins

Iacun Prugger, ornitologh y presidënt dla Lia di Uciei de Südtirol: »Ti Plans de Cunfin iel, nce aldò de na lista che vel a livel europeich, plu sortes de uciei che ie scialdi sensibli a mudazions dl ambient. La lista ie unida metuda su per stravardé y garantì la gheneda per chisc uciei te raions adatei per la sortes cunscidredes«.

Ti Plans de Cunfin viv l pëcalën grisc (Grauspecht, picchio cenerino, Picus canus), l pëcalën fosch (Schwarzspecht, picchio nero, Dryocopus martius), l pëcalën da mont (Dreizehenspecht, picchio tridattilo, Picoides trydactylus), l gial da mont (Auerhuhn, gallo cedrone, Tetrao urogallus), l buba (Raufußkauz, civetta capogrosso, Aegolius funereus), la pitla ciafita (Sperlingskauz, civetta nana, Glaucidium passerinum), la lerjola di nëidesc (Heidelerche, tottavilla, Lullula arborea), la puiana dala bespies (Wespenbussard, falco pecchiaiolo, Pernis apivorus), l falch pelegrin (Wanderfalke, falco pellegrino, Falco peregrinus) y l franculin (Haselhuhn, francolino, Bonasa bonasia) dla »Mesures de Scunanza di Uciei« europea. Oradechël àn usservà truep d’autri uciei dla njonta 1 che paussa ti Plans de Cunfin ntan si migrazion, coche per ejëmpl plu sortes de uciei de paluch (Watvögel – Limikolen) y plu sortes de falcons (Weihen, albanelle, Circus sp.).

L ntervënt ie unì fat n ucajion dla manifestazion per stravardé i Planns de Cunsin, n dumënia ai 6 de setëmber. I articuli ie da liejer tla edizon stampeda di 11 de setëmber.

FOTO: L buba (»Raufußkauz«) à uedli biei ghiei, fej coa ti bujes dl pëcalën fosch (c. autra foto), aud la surices tres la nëif y les ciacia de nuet.