La Usc di Ladins

Lukas Plancker y Miriam Mussner, i doi cunselieres dla Lista Ladins te Cunsëi de Chemun de Sëlva, ne candidea nia plu. L ie nscila la fin de na storia, do la rata de suzes, scumenceda pra la veles cumeneles dl 1995.

La detlarazion dla Lista Ladins Dolomites de Sëlva
Lukas Plancker y Miriam Mussner: »Cun desplajëi messons cumuniché che la Lista Ladins Dolomites ne se candidea nia per la lites per l Cunsëi de Chemun de Sëlva. La lista ne à nia abinà adum candidac/tes per la veles, n pert per dezijions persuneles di/dla candidac/ tes, n pert ajache te chisc tëmps de melcuntënt politich màncel povester l nteres de vel’ un de mëter l mus y de se mëter n cumpetizion cun i/la candidac/tes di autri muvimënc y partic. Mpo se mbincia la Lista Ladins che duc i candidac y i reprejentanc politics che unirà litei se tuebe a cuer l spirt che à da for incà dat fla al muvimënt dla lista: chël de ulëi fé na politica »cun la jënt y per la jënt.«

FOTO: Lukas Plancker y Miriam Mussner.