La cuarta edizion dl Simposium nternaziunel de scultura tl lën, metù a jì dala Lia Mostra d’Ert-Circolo, ie stata sun Ciampinëi dai 24 nchin ai 28 d’agost. Prim pest a n’artista jëuna de Trënt.
L prim pest ti ie jit a Thabata Arduini, n’artista jëuna de Trënt, che fej si furmazion scolastica auta y artistica te Gherdëina, ulache la à nce si berstot. Arduini à per l prim pest pudù crì ora danter mile euro y na mostra tla sala dla Lia a Urtijëi tl 2021. L’artista à cris ora la segonda opzion y perchël saràl d’agost de chëst ann che vën da pudëi udëi si mostra tl zënter de Urtijëi.
La Lia Mostra d’Ert y la giuria à fat ora de ne fé nia na tlassifica per i autri lëures y nsci ie i autri artisć y la artistes che à fat pea n teoria duc segondi.
Duc i lëures dl simposium sarà mo da pudëi udëi y resterà lassù sun Ciampinëi pra la Utia Saslonch a 2.100 metri d’autëza n ann alalongia.
Deplù tla edizion stampeda di 18 de setëmber
Bruno Maruca
FOTO: Thabata Arduini de Trënt à venciù la cuarta edizion dl Simposium nternaziunel de scultura dla Lia Mostra d’Ert-Circolo.
L Simposium sun Ciampinëi à abinà si »lerch«
Galaria retrac
View the embedded image gallery online at:
https://www.lausc.it/valedes-ladines/gherdeina/13555-l-simposium-sun-ciampinei-a-abina-si-lerch#sigProId5d6895a078
https://www.lausc.it/valedes-ladines/gherdeina/13555-l-simposium-sun-ciampinei-a-abina-si-lerch#sigProId5d6895a078