La Usc di Ladins

N mierculdi dan otodì iel stat tl spedel a Bulsan na festa, pitla ma scialdi sentida, per ti sëurandé na scultura de ghips, che rafigurea n angiul. L lëur ie unì fat dal artista Paul »Pauli« Moroder de Doss. Na scincunda da pert de Karl »Charly« Comploj y si fëna Sandra. Charly Comploj ie stat trëi enes alalongia n coma tl spedel de Bulsan, pervia dl coronavirus.

Trëi enes n coma
Per Comploj fòvel de merz y auril stat trëi enes pesoces: »Ne sé plu nët nia di 21 dis che son stat iló, n coma. Permò da dedò me ài stlarì che i me à ntubà y metù ite mo na rola dal col ite ndrët, per fé che ësse pudù tré l fla y giapé ossigenn. Oradechël me ài tacà ite doi flebo, un n blanch y un n cueciun; ne sé nia avisa cieche l fova laite, ma bonamënter da maië y da bever. I me à descedà n Vënderdi Sant domesdì, ai 10 de auril.«

L articul ntier tla edizion stampede di 9 de utober.

David Lardschneider

FOTO: Da man ciancia, l diretëur dl spedel de Bulsan Umberto Tait, Pauli Moroder, Charly Comploj y si fëna Sandra, l assessëur provinziel Thomas Widmann.