La Usc di Ladins

(Ncuei) vënderdi ai 16 de utober fej l ambolt Tobia Moroder, coche bele repurtà te La Usc di Ladins, te Cunsëi de Chemun la pruposta de na Jonta metuda adum da cin’ cumëmbri dla Lista Unica y da un dla Lega. La SVP ie stluta ora dala Jonta y va nscila te oposizion.

Lara Moroder: »Gran desplajëi«
»A nëus dla SVP nes despléjel dassënn de coche la ie jita. L ie na delujion, ajache l ne vën nia tenì cont dla ulentà dl litadëur y ajache an y on dut ntëur na grupa de cunselieres cun na gran ueia de dé ativamënter si cuntribut, de lauré pea dut ntëur. Na delujion per mé persunalmënter ie mo che l ambolt Tobia Moroder à rujenà cun duc i cunselieres SVP persunalmënter, ma nia cun Ewald Moroder y Silvio Stuflesser«, dij Lara Moroder.

Deplù tla edizion stampeda di 16 de utober.

David Lardschneider

FOTO: Lara Moroder.