La Usc di Ladins

Pra la senteda generela dla lia iel unì fat n rëndicont dl’atività y di bon resultac arjonc dai atlec y dala atletes tla sajon 2019-2020.

Atletes y atlec premiei
Ntan la senteda generela iel nce unì premià l’atletes y i atlec dl Schi Club Gherdëina che à venciù o n titul talian, o che ie ruvei danter i prims trëi a livel europeich o che à arjont n plazamënt danter i prims diesc a livel mundiel
L se trata tlo de Tanja Wanker biathlon, Nina Nocker biathlon, Lara Malsiner saut, Jessica Malsiner saut, Mattia Galiani saut, Elena Runggaldier saut, Samuel Costa cumbinazion nordica, Lukas Runggaldier cumbinazion nordica, Daniela Dejori cumbinazion nordica, Maximilian Gartner cumbinazion nordica, Nicol Delago schi alpin, Alex Vinatzer schi alpin, Marc Comploj schi alpin, Gianluca Testa schi alpin, Irina Ciechi schi alpin, René Linder schi alpin, Oskar Pramsohler schi alpin, Silvia Bertagna freestyle, Ralph Welponer freestyle.

Premiei »per merit«
N valguna atletes y n valgun atlec ie unii premiei per si resultac scialdi boni arjonc nchin al mumënt dl lock down. L se trata de Manuel Senoner saut y cumbinazion nordica, Arianna Putzer schi alpin, Mike Rifesser schi alpin, Gaby Hofer schi alpin, Max Malsiner schi alpin, Sara Thaler schi alpin, Elena Frontull schi alpin, Gaia Brunello biathlon y David Moroder pudejé.

Premiei per fin cariera
Na premiazion a pert iel mo stat per i trëi che à finà via si cariera agunistica: Alexia Runggaldier, Elena Runggaldier y Lukas Runggaldier.
A d’ëi ti iel sambën jit paroles de lauda y de rengraziamënt, ma nce l augure de dut l bon per si capitul nuef nun l troi dla vita.

Deplù tla edizion stampeda di 23 de utober.

FOTO: Ntant la senteda generela dl Schi Club iel nce unì premià atletes y atlec per meric sportifs. Da man ciancia, Manuel Senoner, Arianna Putzer, Mike Rifesser, Gaby Hofer, Max Malsiner, Sara Thaler, Elena Frontull y Gaia Brunello. Sun la fotografia màncel David Moroder.