La Usc di Ladins

Senteda de Chemun a Urtijëi: la SVP de Urtijëi à dat ite na dumanda scrita n con’ dla mesures de emergënza per l coronavirus a Urtijëi; cun na mozion se damanda la SVP n sustëni ala lies. Truepa cumiscions vën metudes su da nuef

N juebia ai 19 de nuvëmber dala 20.00 iel Cunsëi de Chemun a Urtijëi. Chësc ie l ordenn dl di:
1. Dé pro l verbal dla senteda dl Cunsëi de Chemun di 16.10.2020.
2. Nterugazion di cumëmbri dla grupa de Cunsëi dla SVP n con’ dla mesures de gestion dl’emergënza da epidemia Covid-19.
3. Mozion di cumëmbri dla grupa de Cunsëi dla SVP per n sustëni finanziel dla lies.
4. Mudamënc al documënt unich de prugramazion y al bilanz de previjion 2020-22 y ai documënc cunliei.
5. Numiné la cumiscion cumenela per la veles.
6. Numiné reprejentanc dl Chemun tla assemblea generela dl Cunsorz di Chemuns dla Provinzia de Bulsan per l raion dl Adesc.
7. Numiné reprejentantes dl Chemun tl cunsëi dl »Museum de Gherdëina«.
8. Numiné i cumëmbri dla cumiscion per la pruzedura de cuntrol che l vënie tenì ite i criteres de cualità dla urganisazions turistiches.
9. Numiné l reprejentant dl Chemun tl Cumité per l’educazion permanënta.
10. Numiné i cumëmbri dl Cumité de gestion dl parch naturel Puez – Odles.
11. Numiné i cumëmbri dl cunsëi de aministrazion dla sozietà »Park Urtijëi s.r.l.«.
12. Numiné l cumité de redazion dla plata de nfurmazion de Chemun »Plata de Gherdëina«.
13. Numiné la cumiscion per mëter adum la listes cumeneles di aucac populeres.
14. Dé pro l regulamënt de chemun nuef n con’ dl adurvé i dac tres sistem de cuntrol video aldò dl Decret Legislatif n. 196/2003 y dl Regulamënt UE 679/2016.
15. Comunicazions.

FOTO: L Cunsëi de Chemun de Urtijëi.