La Usc di Ladins

Son inò senteda pra viere de mi majon y cële ora: l ciel ie brum y l inviern vën bel plan inò te Gherdëina. Dedora ie dut medemo. Coche ove bele scrit d’ansciuda: dedora ie dut medemo, ma dut cant ie mpo mpue’ autramënter. Messon sté a cësa, o almanco tl luech o tla zità te chëla che vivon, nchin che dut sarà passà.

Azeté cieche l suzed iusta
Dessegur ne n’ie l prim lockdown nia stat saurì, ma l ie passà y nëus duc on abù l mesun de pudëi viver n instà scialdi bel. L ie stat n instà autramënter di ani passei. Dessegur ons for abù la speranza che l ne unissa nia inò na situazion coche chëla da d’ansciuda. Mpo messons śën azeté che l suzed mo n iede. N muessa dì che chëst iede iel plu lidëza: n possa se muever y fé sport dedora y perchël vàla scialdi miec a viver cun la restrizions che l ie.
N generel pòssen dì che i jëuni y la jëunes azetea la restrizions y rata che l sibe nce de bujën de les respeté, per pudëi jì inò de reviers ala normalità. Duc canc se mbincia che la vita posse inò vester plu scëmpla, plu liedia. Danz che l cuntat soziel ti mancia a duc canc l plu y perchël ne udons nia l’ëura de pudëi inò se abracé y balé deberieda.

L articul ntier tla edizion stampeda di 20 de nuvëmber.

Articul y dessëni de Julia Lardschneider

FOTO: I jëuni y la jëunes se ncunforta sun la vita soziela y a fé festa deberieda.