La Usc di Ladins

N ucajion dl marcià biologich dla Lia per Natura y Usanzes à la Butëiga dl Mond, la Nëus Jëuni Gherdëina y la Urganisazion per n Mond Rëidl OEW metù a jì na mostra y plu azions n con’ dla bananes. Les vën menedes da dalonc caprò y costa demanco che i mëiles che crësc te nosc raions.
La banana ie l frut che vën maià l plu sun l mond, tlo te Südtirol iel i mëiles, ma riesc do vën la bananes. Ntëur 80 de gran berches va uni di ntëur al globus, per mené chisc fruc dai produtëures ai cunsumadëures. Tl’America dl Sud ie la bananes fundamenteles per l’economia y la politica. Danz nia mé de viers dl positif: al didancuei vëniel for mo drucà dassënn ti priejes, i paures muessa for mo lauré cun de stleta cundizions. Perchël iel mo plu de bujën che nëus nfluenzon cun nosta dezijions i cunzerns che cumanda l gran marcià. Uniun de nëus possa fé zeche per miuré chësta situazion!

L articul ntier tla edizion stampeda di 20 de nuvëmber.

Per la Butëiga dl Mond, Sofia Stuflesser

FOTO: Aron Moroder, Nadine Thomaseth, Damian Insam y Verena Plieger, pra la azion de sensiblisazion per i produtëures de bananes (fotografia: Anna Maier c-OEW).