La Usc di Ladins

Ciunes ie pa la cunseguënzes te n tëmp mesan y lonch de na nfezion da Covid-19 per la sanità di pazienc? N team nterdiszipliner dl Istitut de Medejina Generela tla Claudiana uel cialé de abiné na resposta a chësta dumanda. L vën perchël fat na tueda y nrescida, da coche auza ora l diretëur dl Istitut provinziel de Medejina Generela y respunsabl dl stude Giuliano Piccoliori, che nvieia a fé pea.
I urganisadëures dla nrescida nvieia »duc i pazienc varii dal Covid-19, che à bele cumplì 18 ani y che sta te Südtirol a fé pea pra l stude, nce sce i ne à nia abù sintoms acuc. L possa fé pea chiche à abù n tampon positif PCR al coronavirus dan i 12 de utober dl 2020. Oradechël muessen vester varii da almanco doi enes incà. Tla nrescida vëniel nce trat ite i dutores de medejina generela. Duta la nteressedes y duc i nteressei vën priei bel de tò su cuntat cun si dutor de medejina generela per giapé nfurmazions sëuraprò. Per fé pea pra chësc stude iel mé da scrì ora n cuestiuner online. L ne va nia debujën de vijites dal dutor, de jì a tò ju sanch y de fé d’autri tampons PCR.«

L atricul ntier tla edizion stampeda di 18 de dezëmber

FOTO: L dutor Giuliano Piccoliori ie l respunsabl dla nrescida.