La Usc di Ladins

Ai 25 de nuvëmber ie n'ëila de tëmp de Fie unida meneda sot cun n SUV fosch tla frazion de San Costantin do che la ie ora dla curiera. L SUV ie mucià zënza ti dé l mesun a chiche fova iló de ti cialé ala targa. L'ëila se à fat scialdi mel, ma la ie viva. I Carabinieri de Urtijëi, che ie cumpetënc nce te chël raion, à śën tres na nrescida cun telecameres de segurëza abinà l auto. Abinei, à doi ëi de cincant'ani respundù de sci ala dumanda sce i fossa n chël di y da chël'ëura passei dal luech dla desgrazia, ma i à dit de no canche n ti à damandà sce ëi ëssa menà sot l'ëila. La verscions ne n'à per i Carabinieri de Urtijëi nia abù gran logica, nsci ie i doi unii plurei.

Bruno Maruca