Sn. Artur Vinatzer: n lecort

Data

02 de jené 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Tl’età de 88 ani ie n sada ai 19 de dezëmber mort l preve Sn. Artur dl Sartëur de Urtijëi. L ie stat pluan a Laion y a Kiel ti Paejes Tudësc, y Regens tl Seminar de Persenon.
Artur Vinatzer ie nasciù ai 24 de jené dl 1932 a Urtijëi. Cunsacrà preve iel unit ai 18 de merz dl 1956 a Dorf Tirol. Danter l 1956 y l 1960 iel stat caplan a St. Pauls, a Santa Cristina y a Neumarkt, dal 1960 nchin al 1964 iel stat prefet tl Johanneum. Ti ani dal 1968 nchin al 1970 iel stat caplan a Kiel, da dedò pluan a Kiel, nchin al 1975. Nchin al 1987 iel pona stat Regens dl Seminar a Persenon.
Tl ann 1987 ie Sn. Artur deventà pluan de Laion y San Piere, ulache l ie stat bën 23 ani alalongia. Tl 2010 ti iel unì lascià do si ncëries da pluan, ma l ie restà inant coche curat de Laion y San Piere, dal 2016 nchin al 2019 pona curat a Persenon.
Sn. Artur Vinatzer dl Sartëur ie mort cun o per covid. La mëssa de supeltura y la supeltura ie stata inier merdi ai 22 de dezëmber a Laion.
Sn. Artur à for abù a cuer nce la cultura y rujeneda ladina; l à scrit regularmënter articuli per la Usc di Ladins. Da pert de nëus dla redazion, ma nce de duta la jënt ladina n Dievelpaie de cuer y l augure, o miec la segurëza, che l posse paussé tla pesc de Die!

David Lardschneider

FOTO: Sn. Artur Vinatzer dl Sartëur de Urtijëi, 1932-2020.