La Usc di Ladins

Danter i ponc dla senteda dl Cunsëi de Chemun de Urtijëi iel nce na mozion dla SVP, l bilanz de previjion per i proscimi trëi ani y nfrastrutures da cumedé su tla streda Nevel.
N merdi ai 29 de dezëmber dala 19:00 iel senteda de Cunsëi de Chemun a Urtijëi. Chësc ie l ordenn dl di:
1. Dé pro l protocol dla senteda dl Cunsëi de Chemun di 11.12.2020.
2. Mozion di cumëmbri dla grupa de Cunsëi dla SVP n con’ dl nriescer y taië lëns priculëusc.
3. Plann di raions de pricul dl Chemun de Urtijëi: dé pro definitivamënter l plann per i raions de pricul y i mudamënc al plann urbanistich cunlià.
4. Dé pro l bilanz de previjion 2021 di Destudafuech ulenteres de Urtijëi.
5. Dé pro l bilanz de previjion 2021-2023 cun ajurnamënt dl DUP– documënt unich de prugramazion.
6. Cumedé su la nfrastrutures tla streda Nevel a Urtijëi, tla pert danter l luech »La Plates« y l luech da »Lip«: dé pro l proiet de mascima.
7. Cunliamënt da jì a pe »La Curta«: dé pro l cuntrat de servisc.
8. Dé pro l regulamënt n con’ dla chëuta patrimuniela de cunzescion, autorisazion o per mëter ora retlam y n con’ dla chëuta patrimuniela de cunzescion per tò ite grunt ntan i marcëi.
9. Deroga ala realisazion dla lueges da parché scrites dant aldò dl program de mubltà y de azes, plu avisa aldò dl art. 7 dl DPP 17/2020 y art. 123 L.P. 13/1997: fé ora l cuntribut da ti paië al Chemun.
10. Numiné l Cumité cumenel per i bòsc.
11. Mudé ora l cumëmber suplënt tl Cumité de gestion dl parch naturel Puez-Odles. 12. Comunicazions.

FOTO: L Cunsëi de Chemun de Urtijëi.