Bruno Maruca: Bon di, l stude de comunicazion éi ulù fé ajache da for incà sons n gran apasciunà de liejer, scrì y rujené. Analisé tematiches che reverda la rujeneda y la comunicazion n generel me sà for bel y nteressant. Cële coche la jënt comunichea dantaldut online, tl jurnalism o tla pert di “content creators”, coche n ti dij per nglëisc. Chisc ie duc chëi che fej cuntenuc online, dantaldut videos. I prejentadëures nueves dla televijion, ma tl inernet, sce n uel ti cialé nscila. L prejënt y nce l daunì, do mi ntënder. L me sà for bel a fé pruvocazions canche rate che l sibe drët, nia mé a cajo, ma per fé pensé do la jënt. Perchël diji: l jurnalism coche l cunescion se muda di per di, la televijion coche la cunescion murirà tosc ora. L streaming online ie l prejënt y l daunì. Chëstes ie sambën mé mi reflescions persuneles, n con’ de chësta tematiches che me dà bëndebo’ da pensé.
L lëur da jurnalist me dà na sensazion de respunsabltà ti cunfronc dla jënt, y chësc me plej. La respunsabltà ie chëla de dé nfurmazions, fé a na maniera che la jënt pënse do cun si cë, sebe la cosses y posse les tò ca per na cultura persunela y culetiva.
La ntervista ntiera tla edizion stampeda y online de La Usc di Ladins de ncuei vënderdi ai 15 de jené.
