La Usc di Ladins

Ti mënsc passei se à i uperadëures turistics njenià ca a puntin, for tla minonga che n pudëssa/possa giaurì, dant o do.
»Dut chël che fova preudù dala regules fova unì njenià ca,« dij l presidënt dl’Assoziazion de Turism de Gherdëina Dolomites Gherdëina Marketing Christoph Vinatzer: »I mplanc portamont à renfurzà l sistem de vënder online l plu che la va, pra la stazions japé di mplanc iel preudù na sort de sherif che mëte a verda che la jënt tënie ite la destanzes ntan che la aspieta, tla condles vëniel lascià ite al plu l 50% dla jënt che ëssa lerch, cun i vieresc for davierc. Duc chëi che va ite tla condles muessa avëi la maschera, inant iel la previjion de dejenfeté uni di la condles y de auzé l slune dla condles, acioche les vede plu debota y la jënt muessa sté mé puech giut te n ambient stlut. Da auzé ora ie nce la App de Dolomiti Superski, acioche la jënt posse udëi pra ciuna stazions de mplanc che l ie truepa o monce massa jënt, per pudëi nscila astilé ora.«

Deplù tla edizion stampeda di 22 de jené.

David Lardschneider

FOTO: I uperadëures dl turism de nosc raion fossa njeniei per scumencé cun la sajon da d’inviern. Sun la fotografia iel da udëi na panoramica de Sëlva, cun l purtoi nuef da Dantecëpies ju, "La Ria", che ruva ju sun Risacia. A man drëta iel da udëi l raion "Sai Uedli" (fotografia de Diego Runggaldier).