La Usc di Ladins

Tla gran sala scultures dl Museum Ghërdëina iel śën na vedrina cun figures de Pinocchio che à cumpanià
la produzion Sevi y si design tres duc i ani dl 20ejim secul. Ciuldì pa Pinocchio? Dal 1920 inant à la Sevi for abù la figura de Pinocchio te si catalogh, 150 se à mantenì tla culezion. Pinocchio ne n'ie nia mé stat n model de suzès, ma l ie n bel ejëmpl per l svilup dl design y dla produzion, dal lëur fat a man nchin al lëur a mascin. Dal set de dezëmber
dl ann che vën puderàn tl Museum Gherdëina udëi mo de plu pec Sevi. Na gran mostra ie programeda. »Tl ann 2022 à Georg Senoner dla familia Vastlé tëut la dezijion de ulëi ti sëurandé al Museum Gherdëina la gran culezion de 8.000 pec de mostres di juesc de lën dla firma Sevi«, conta Paulina Moroder, diretëura dl Museum Gherdëina. Do
che n se à da pert dla grupa de lëur dl Museum dat ju plu avisa cun chësta arpejon materiela de relevanza
per la storia dla valeda, iel n lunesc ai 9 de dezëmber unì prejentà al publich l cunzet laurà ora per realisé
la gran mostra de dezëmber dl ann che vën.

Sofia Kostner

Dut l articul pudëis liejer tla edizion atuela de La Usc.