Önesc iadi é Ivo Rudiferia de Badia sté sön n podium de gares internazionales, cater iadi te Copa dl Monn FIS. Al ne se desmentiará mai plü so maiú suzes: le titul mondial dl 1996 a Lienz, por ater "paralelamënter" a Marion Posch.
La Usc: Bun de Ivo, poste se cunté ciodí che te as chirì fora la brëia al post di schi. La brëia ê n sport nia tan conesciü canche te as metü man da garejé?
Ivo Rudiferia: "Pordërt ái metü man cun i schi, i sun ince sté tl comité de Südtirol cina 17 agn, spo ái fat le soldá. Dedô sunsi sté tla Francia a jí cun i schi y dailó ái odü le snowboard, chësc ê tl 1987, i l’á atira porvé fora. Le pröm post olache al ê rové adalerch la brëia – te Europa – ê avisa la Francia; la brëia n’ê nia ciamó conesciüda tla Talia. I á porvé da jí y al m’á atira salpü dër bel: insciö m’an ái cumpré un de secunda man. Te chi tëmps êl chiló da nos n’atra sort de 'snowboard', le swingbo, na sort de skateboard cun dui schi sotite. Valgügn te Südtirol jô cun chësc, gnü porté dala Germania ite."
Liéde do deplü tla ediziun stampada o söl e-paper de chësta edema!
Lucia Piccolruaz
Pionier y campiun dl monn
Cun na brëia de secunda man, cumprada tla Francia, é sté Ivo Rudiferia un di pioniers dl snowboard tla valada, y nia ma chiló. Chësc sport, püch conesciü canche al piâ ia, l’á fat slisoré tan dassënn, fina a davagné i mondiai dl 1996. Por la ligna "I gragn atlec dla valada" s’l’unse ciacolada cun ël
Galaria retrac
- Ivo Rudiferia é Capiun dl Monn de slalom paralel, a Lienz, ai 28 de jená dl 1996.
- Ivo Rudiferia en aziun söles nëis de Plan de Corones.
View the embedded image gallery online at:
https://www.lausc.it/valedes-ladines/val-badia/12412-pionier-y-campiun-dl-monn#sigProIdbf9ae6b0f1
https://www.lausc.it/valedes-ladines/val-badia/12412-pionier-y-campiun-dl-monn#sigProIdbf9ae6b0f1